Cafodd pump ar hugain o bobl ledled de Cymru gyfle i fynd i ddosbarth meistr DJ unigryw ar 3 Mehefin, a drefnwyd ac a gyflwynwyd gan Escape Into The Park.

Roedd y rhai a ddaeth i’r sesiynau’n dod o ‘Young and Gifted’ a ‘Young Vibes’ (y grwpiau DJ lleol ym Mhontarddulais) yn ogystal â phobl ifanc sy'n cael mynediad i wasanaethau trwy Wasanaeth Troseddu Ieuenctid Abertawe.

Roeddent wedi derbyn tiwtorial DJ gan DJs rhyngwladol proffesiynol, gyda chyflwyniad i gyfarpar DJ a sgiliau sylfaenol cydweddu curiadau. Cefnogwyd y digwyddiad gan Wasanaeth Troseddu Ieuenctid Abertawe, y Gwasanaeth Ieuenctid ac Academi Gerddoriaeth Andrew Kent.

Mentoriaid Theatr Ieuenctid Antic

Grŵp Gweithredu Ieuenctid Dyfnant

Grŵp Gweithredu Ieuenctid yr Hafod

Hype Cyfnod Allweddol Tri

Hype Cyfnod Allweddol Pedwar

Academi Dawnsio Stryd Lockdown

Prosiect Tŷ Agored

Ochr yn Ochr

Ifanc a Thalentog

Hafan

Mae Rhwydwaith Gweithredu Ieuenctid Abertawe (SYAN) yn uno pobl ifanc rhwng 11 a 25 oed sydd am gael effaith gadarnhaol ar eu cymuned. Rydym yn cydnabod bod ‘Pobl Ifanc yn Bwysig!’, bod ganddynt rôl bwysig i’w chwarae ym mywyd eu cymunedau, a dylai eu hymrwymiad dderbyn hyfforddiant ac achrediad addas.

Ar hyn o bryd mae SYAN yn cefnogi 15 Grŵp Gweithredu Ieuenctid a arweinir gan gyfoedion, pob un yn canolbwyntio ar broblemau diogelwch cymunedol sydd yn eu cymdogaethau. Maent yn defnyddio cerddoriaeth, dawnsio stryd, theatr, celfyddydau gweledol ac amlgyfryngau i archwilio’r problemau cymunedol hyn. Dethlir eu gwaith yn flynyddol mewn digwyddiad lleol, gan arddangos cyflawniadau pob Grŵp Gweithredu Ieuenctid.

Mae SYAN yn croesawu aelodau newydd sy’n awyddus i gymryd rhan mewn cyfleoedd newydd, gwirfoddoli ieuenctid, adeiladu tîm a sgiliau. Oes diddordeb gennych? Cliciwch yma i gysylltu â gweithiwr prosiect.

Cyflwynir y fenter gan Ddinas a Sir Abertawe ac fe’i hariennir gan Gronfa Cymunedau Mwy Diogel Llywodraeth Cynulliad Cymru.

Ffaith y dydd

Hafan